« MIFANDRARY FITIA »: FANKALAZANA NY FAHA-20 TAONA NANORATAN’I FELANA

Hotanterahina ao amin’ny TAHALA RARIHASINA izy io ny 6 hatramin’ny 9 Desambra ary hofaranana amin’ny sakafom-pifaliana ao amin’ny HAITSIRON’IARIVO ny 10 Desambra. Toy izao àry ny andinindininy momba io hetsika io.

MIFANDRARY FITIA

Io no lohatenin’ny amboaran-tononkalo nosoratan’i Felana RAVELOARISON na Felana izay havoaka manokana amin’ity fankalazana ny faharoapolo taona ity. Raha tadidintsika efa namoaka ny « MANKATIA » koa izy tamin’ny fahafolo taona nanoratany. Ny hoe mifandrary fitia raha fakafakaina dia toy izao. Ny matoanteny mifandrary dia avy amin’ny fototeny hoe rary izay ilazàna akora na zavatra maro mifampidipiditra. Ny rary koa dia midika hoe vavaka na tso-drano. Amin’io fotoana io izany no anehoan’i Felana ireo sehatra maro izay mifameno ka manome ny maha-izy azy. eo amin’ny zava-kanto (tononkalo, kabary sy asa tànana). Amin’io hetsika koa no hifampitondra firarian-tsoa i Felana sy ny mpankafy. Ny amin’ny hoe fitia indray dia tara-kevitra voizin’i Felana ao amin’ny asa sorany  hatramin’izay ny fitiavana amin’ny ankapobeny. Izay no nahatonga ny fiantsoana azy hoe « Poetan’ny fo tena tia ». Koa inona moa fa tsy tafaray ny tia sy ny manina mandritra io hetsika io.

MANASA ANAO I FELANA

Noho izany, miandry anao i Felana ny 6 hatramin’ny 9 Desambra ao amin’ny Tahala Rarihasina. Ho hitanao mandritra io fampiratiana io ny tontolon’i Felana na tononkalo izany na kabary na peta-kofehy. Asainy manokana ny  MPIANATRA sy ireo MANIRY HO MPANORATRA mba ho tonga hitafatafa aminy. Vonona izy ny hizara ny traikefany sy hamporisika ireo zandry mba ho fampiroboroboana ny zava-kanto  malagasy.

15135591_697549507071220_77192058_n

Ny 10 Desambra indray dia sakafom-pifaliana no hotanterahina ao amin’ny Haitsiron’Iarivo (INIFRA – Alarobia). Hanotrona azy amin’io lanonan-dehibe io ny mpanakanto malaza toa an’i Njakatiana, Ariane ary Elsie. Ho tonga ao koa mazava ho azy ny tarika Narisoa izay misy an’i Felana ary Jess Rakoto izay efa mpiara-miasa aminy akaiky hatry ny ela.

Izahay eto amin’ny blaogin’i Voniary dia miarahaba sahady an’i Felana amin’izao fankalazana ny faharoapolo taona nanoratany izao. Mirary soa azy ho an’ny roapolo taona manaraka, mba hijoro ho kintan’ny tononkalo malagasy sy hanatratra ny lafatra hatrany.

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s

Créez un site ou un blog sur WordPress.com

Retour en haut ↑

%d blogueurs aiment cette page :