100startups – mpandraharaha fito vaovao hotohanana

Rehefa vita ny fanombanana tamin’ny sabotsy 13 Aprily lasa teo dia mpandraharaha fito no voaray hisitraka ny fanampiana sy ny fanohanana avy amin’ny 100startups.

Ny fizotry ny fanombanana

Tamin’ny volana Novambra 2018 no nanatanteraka ny fanaikana tetikasa ny 100startups. Rehefa nandalo sivana ireo mpandraharaha nandefa ny antotan-taratasiny dia folo tamin’izy ireo no voafantina niatrika ity fanombanana dingana voalohany ity. Valo moa no tonga tamin’izany.

Nomena 10 minitra ny mpifaninana tsirairay mba hilazalazany momba ny tetikasany indrindra ny mampiavaka azy sy ny vinavinany.

Mpitsara matihanina, izay mpisehatra eo amin’ny tontolon’ny fandraharahana, no nanatanteraka ny fanombanana. Ireto avy izy ireo : Prisca Ranaivoarison avy amin’ny Incubons, Eric Ravohitrarivo avy amin’ny Miarakap, Andry Ravololonjatovo avy amin’ny STEM4GOOD Madagascar, Hery Zo Andriamiarana sy Santatriniaina Razafindratsimba avy amin’ny YALI Alumni ary Clara Missoffe avy amin’ny Orange Fab Madagascar.

Fandraharahana : mila mitondra hevi-baovao lalandava

Anisany masontsivana nanombanana ireto mpifaninana ny fitondrana zava-baovao. Raha ireo tetikasa naseho tao dia azo lazaina fa mahafeno izay fepetra izay avokoa.

  • Vici : mamokatra vinaingitra avy amin’ny paoma tsy misy fangarony
  • Labell’o Vert : mamokatra fikarakarana tarehy sy volo avy amin’ny vokatra voajanahary
  • Tutoria : mampianatra ireo ankizy sahirana any am-pianarana amin’ny fomba miavaka
  • Mada Cucurbe : mamadika ny voatavo ho vovony
  • Futuro : manampy ny mpiasa sy ny mpitady asa amin’ny alalan’ny ivonkala
  • Safemad : mamokatra zezika avy amin’ny kankana
  • All Secure : miaro ny orinasa manoloana ireo loza mifandraika amin’ny informatika sy aterineto
  • Fresco : mivarotra voankazo sy legioma efa voakarakara

« Tsara avokoa ireo tetikasa ireo ary mendrika tohanana. Maro amin’izy ireo no vao izao mihitsy vao miditra amin’ny sehatry ny fandraharahana ka izany indrindra no tena anampian’ny 100startups azy ireo. »

Elodie Rabenivo, filohan’ny 100startups

Inona moa ny 100startups ?

Ny 100startups dia sehatra iray entina ampiroboroboana ny fandraharahana eto Madagasikara. Andiany faharoa ireto mpandraharaha raisina mandritra ny taona 2019 ireto izay ahitana tetikasa fito : Tutoria, Vici, Mada Cucurbe, Safemad, Fresco, All Secure ary Futuro.

Ireo mpitsara sy ireo mpandraharaha voafantina
cc : Voniary

Manomboka amin’ity volana ity dia hiatrika fiofanana izy ireo mba hanatevenany ny fahalalany mikasika ny fitantanana orinasa. Hisy ihany koa ny fitetezana orinasa ho fampiharana ny lesona azo.

Ankoatra ny fiofanana dia ahazoan’ireto mpandraharaha tombontsoa lavitr’ezaka ihany koa ny fidirany ao amin’ny 100startups. Afahany mampahafantatra bebe kokoa ny orinasany izany ary mampisokatra azy amin’ny fiaraha-miasa samihafa.

Amin’ny 25 Jolay dia hiatrika ny fanombanana farany ireto tanora mpandraharaha ireto. Ny dimy voafantina amin’izany dia hahazo mpitarika manokana ary famatsiam-bola.

Voniary

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s

Créez un site ou un blog sur WordPress.com

Retour en haut ↑

%d blogueurs aiment cette page :